Meghalaya : Umroi Airport zauhna tur project tikhawtlai

Meghalaya deputy chief minister leh transport minister, Sniawbhalang Dhar-a'n Umroi Airport zauhna tur project thawh a nih tur thu a sawi hnuah, chhan hrang hrang avangin tender chu cancel niin, siamṭhat leh a ni dawn tih a sawi. Tender thar siam turin hma lak mek a nih thu leh, peihfel a nih hunah kumin chhungin thawh hman a ni dawn tih thuthar lakhawmtute a hrilh.

Airports Authority of India (AAI) chuan work order tihchhuah a nih hnuah thla 18 chhunga peihfel tura an tih thu Dhar chuan a sawi bawk. Airport zauhna tur project atan hian Rs vbc 119.44 ruahman a ni a, runway chu metre 571-a zauh a ni dawn a, a thui zawng hi metre 2,400 a ni tawh dawn a ni. Terminal building, apron leh infrastructure dang thawmṭhat a ni dawn a, jet thlawhtheihna-te pawh airport-ah hian an ṭum thei dawn a ni.

State sorkar chuan project thawhna atan ram acre 11.75 leina tur a pawm tawh a, Rs 72.17 sen a ni ang. Deputy CM chuan state sorkar leh AAI official-ten West Garo Hills-a Baljek airport an endik tur pawh AAI technical team lamin an la hman loh avangin tihkhawtlai a ni tih a sawi bawk.