Assam-a bus leh tanker insuah mi pali an thi

Assam-a Golaghat district-ah Nilaini khan bus leh oil tanker-te chu National Highway 37-ah an insu a, mi pali an thih bakah midang 20 ten hliam an tuar.

Dergaon police officer incharge Rupjyoti Dutta chuan private night bus hian Guwahati aṭangin Tinsukia a pan tih sawiin, a hma zawnga lo tlan oil phur tanker nen hian an insu tih a sawi a, an insut chhan erawh hriat a la ni lo, a ti. He thil hi Nilaini zing lam dar thum vela thleng a ni a, a hmunah bus driver leh passenger pathum an thi ngahl a, bus a chuang ve dang mi 18 te chuan hliam an tuar bawk. Tanker-ah chuang mi pahnih pawh an hliam na hle nia tarlan a ni. Hliam tuarte hi Golaghat Hospital leh Jorhat Medical College Hospital-ah te dah luh an ni.