Assembly member atan Dasanglu Pul la lut

Aruanchal Pradesh-a Hayuliang assembly constituency by-election neih zawh taka BJP ticket-a thlan tlin Dasanglu Pul-i chu Nilaini khan Arunachal Pradesh Legislative Assembly member atan lakluh a ni.

Speaker Tenzing Norbu Thongdok chuan Pul-i hi rinawmna thu tiam tirin a la lut a, Nokmey Namati Hall-a inkhawm buatsaihah hian Chief Minister Pema Khandu leh MLA-te an tel a ni. Dasanglu hi Arunachal chief minister hlui Kalikho Pul-a nupui pathumna a ni a, bye-election neih zawh takah BJP ticket-in a ding a ni. Hayuliang assembly constituency hi Khalikho Pul-a bial
ṭhin a ni a, a thih hnuah a nupuiin a hmun ruak a luah dawn a ni. Arunachal Assembly-ah hian member 60 an awm mek a, BJP chuan MLA 12 neiin, rorel lai PPA chuan MLA 43 a nei a, Congress MLA pathum leh Independent MLA pahnih an awm bawk.