Assam leh UP Governor-ten meeting nei

Assam governor Laxman Prasad Acharya, a education advisory team leh Uttar Pradesh governor, Anandiben Patel te chuan Thawhtanni khan Raj Bhavan, Lucknow-ah zirna siamṭhatna tura ruahmanna an neih leh state university-ah hlawhtlinna a awm theihna tura hmalakna an kalpui mekte an sawi ho.

Patel chuan meeting hi kaihruaiin, Covid-19 hri len lai pawhin university-te chu technology lama thiamna, langtlang, mipui tana ṭha leh zirchianna lama hma la thei tura thuam chak an ni tih a sawi. Ram chhung leh ram pawna rank an neih dan thlirletna hunte an hmang bawk.

Meeting-ah hian state pahnihte thawh dunna tihchak dan tur te, hmalakna ṭha an neihte inhrilh tawn dan turte sawi ho a ni a, hei bakah National Education Policy kalpui a nih dan tur leh, fishery sector thuam chak a, bawnghnute hmanga thil siam chhuah tihhmasawn theih dante an sawi ho bawk a ni.

Assam Governor Secretariat official-te chuan Assam-a zirna sang zawka hmalakna leh thil thar an ruahmante chipchiar takin an sawi bawk niin thuchhuah chuan a tarlang.