Nagaland : CM-in Air India Express Aircraft vailiam

Nagaland chief minister Neiphiu Rio chuan, Air India Express aircraft thar, Boeing 737-8 November 22 khan Dimapur Airport aṭangin a vailiam. Air India Express hi Hornbill Festival 2025-a Official Travel Partner a ni. Dimapur Airport-a hun hmanah hian Nagaland hnam lam leh zai thiamte an inlan a ni.

Hornbill Festival hi kumtin December 1-10-ah neih ṭhin a ni a, India rama culture chawimawina hun lian ber pawl a ni. Ram chhung leh ram pawn aṭangin mi tam tak chhim turin an kal ṭhin a, 'Festival of Festivals' tia sawi ṭhin a ni bawk.

Thlawhtheihna hi Dimapur Airport-ah ṭumin Chief Minister leh official eng emaw zatin an lo dawngsawng a ni. CM chuan Air India Express nen an thawk dun thei chu lawmawm a tih thu sawiin, an thawhdunna hmangin Nagaland chuan tlawhtu tam zawk a nei thei dawn a ni, a ti.

Air India Express managing director, Aloke Singh pawhin Nagaland sorkar nen kumin Hornbill Festival puala an thawkdun thei chu ropui a tih thu a sawi cebawk. State tlawh tur leh festival chhim tur December 10 thlenga thlawhtheihna lo book tawh tana 15%-a an tihtlawm chu December 15 thleng hman theihin an ruahman a, airline website leh mobile app-ah code 'HORNBILL' tih hmangin a hman theih a ni.