CoMSO-in ILP phuta nawrh huaihawt leh tum

Meghalaya-a Con­federation of Meghalaya Social Organisations (CoMSO) chuan state­ hood day, January 21 hian an state-a inner line permit (ILP) system hman phalsak thuai tura sorkar laipui phutna lantirin nawrh huaihawt leh an tum. 

Thawhlehni khen CoMSO hian Shillong-ah meeting neiin, ILP phutna nawrh huaihawt leh  hi an rel a ni. An pawl chairman Robertjune Kharjahrin chuan Meghalaya-a ILP system hman hi hun rei tak an lo phut tawh tih a sawi a, January 21-a nawrh an huaihawt tur chu thlawp vek turin MLA, MP leh MDC member-te a ngen nghal bawk.

CoMSO chuan ILP hman phutna bakah, Assembly-in a pass tawh Meghalaya Resident Safety and Security Amendment Bill pawm turin Governor Satya Pal Malik nawr nghal an tum tih an sawi bawk a ni. He bill hi state mipuite himna tura duan a nih thu an sawi. 

January 21-a nawrh huaihawt an tum avangin Meghalaya Day an dodal tihna a ni lo a, mipuite he ni an lawm tur pawh an dodal lo tih Kharjharin chuan a sawi bawk.