East Khasi Hills-ah Section 144 puang

Meghalaya-a East Khasi Hills-ah Covid-19 hri leng darh zel tur venna atan January 11-17 chhung atan Criminal Procedure Code (CrPC) Section 144 puan a ni. 

CrPC Section 144 hnuaiah hian mi pali aia tam punkhawm khap a ni. 

East Khasi Hills district magistrate Isawanda Laloo chuan punkhawm khapna thupek hi tichhuakin, he thupek hi January 11-17 chhungin zing dar 5 aṭanga zan dar 11 thleng hman a ni dawn tih a sawi. 

Pawn chhuahna leh hnathawhna hmuna mask vuah loa awm phal a ni lo a, vantlang  hmuna chil chhak zuiin, paan, gutka leh vaihlo kaihhnawih zuk/hmuam khap a ni. Mipuite chu social distancing dan zawm ngei ngei tura tih an ni bawk. Sakhaw biakna hmunte chu state sorkarin SOP a siam zawmin an inhawn phalsak an ni.