Sikkim-in hnam 11-te ST status pekna tur resolution siam

Sikkim Assembly chuan an state chhunga hnam 11-te hnena Scheduled Tribe status pek remtihna resolution an siam a, he resolution hi sorkar laipui hnenah an thlen leh dawn a ni. 

Chief minister Prem Singh Tamang chuan hnam 11-te hnena ST status pek hi hun rei tak an lo phut tawh a ni tih sawiin, sorkar laipui pawhin a pawmsak ngei a beisei thu a sawi. 

Assembly-ah hian Sikkim Panchayat (Amendment) Bill leh Sikkim Industries Licensing (Amendment) Bill pass a ni a, voice vote hmangin 2020-21 fiscal year atan second supplementary demand, Rs vbch 503.47 pass a ni bawk.