Manipur college zirtirtuten January 27 thleng sorkar hun pe

Manipur sorkar college-a zirtirtute chuan state sorkar chuan an thil phut, 7th University Grants Commission (UGC) Pay and Regulations 2018  hmanna thupek chhuah turin January 27 thleng hun an pe. Hun an pek chhunga sorkarin thupek a tihchhuah loh chuan January 28 aṭangin nawrh chhunzawm leh an tum. 

Federation of Government College Teachers’ Association (FEGOCTA) chuan 7th University Grants Commission (UGC) Pay and Regulations 2018 hmang turin state sorkar hi hun eng emaw chen an lo nawr tawh a ni. State sorkar pawhin revised pay structure thar ber hi a lo pawm tawh a, mahse hmanna tur thupek erawh tun thlengin a la tichhuak lo. 

FEGOCTA general secretary Dr N Somorendro chuan state cabinet chuan a thuphungin an thil phut chu remtihsak tawh mah se, hma lakna erawh engmah a la awm lo a ni, a ti.