Sikkim : WorldSkills Asia 2025-a India aiawh atan Radhika Chettri

Sikkim-a Medhavi Skills University (MSU)-a Emergency Medical Technology (EMT) zirlai, Radhika Chettri chu November 27-29 chhunga Taipei, China-a WorldSkills Asia 2025 inelna neih turah Team India-ah a tel dawn. WorldSkills Asia-a Health & Social Care category-a India aiawha Sikkim emaw hmarchhak bial emaw aṭanga zirlai an tel vawi khatna a ni.

Radhika Chettri hian IndiaSkills 2024-a Health & Social Care-a Silver Medal a lak hnuah international arena-ah hian a tel thei dawn a ni. Ram pum huap inelnaa Sikkim-in medal a lak hmasakna ber niin, MSU chu IndiaSkills 2024-a India rama university champion thei naupang ber a ni.

WorldSkills Asia hi technical lama thiamna, thil thar hmuh chhuah, leh vocational thiamna lantirna platform niin, continent hrang hrang aṭangin mi thiam filawr an tel ṭhin. Intihsiakna hi 'Olympics of Skills' tiha sawi ṭhin a ni a, ram pum huapa champion-te chauh an tel thei.

Minister of state for Skill Development & Entrepreneurship and MoS education, Jayant Chaudhary chuan tun hnai khan WorldSkills Asia 2025-a India contingent hmasa ber a lo vailiam tawh. He hunah hian Ministry of Skill Development and Entrepreneurship (MSDE) senior official-te leh actor Sudesh Berry-te pawh an tel.