Manipur : 'Bal Vivah Mukt Bharat' campaign buatsaih

Manipur-a Prohibition of Child Marriage Act, 2006 kalha naupang inneih tirna thubuai 100 vel theh luh a nih hnuah, Ningani khan ram pum huapa ni 100 chhung awh tur, kum 2030 hmaa naupang inneihtirna tihtawpna tura hmalakna, 'Bal Vivah Mukt Bharat' campaign buatsaih a ni. Campaign hi kum kalta November 27 khan prime minister Narendra Modi chuan a hawng a ni.

Kangpokpi, Bishnupur, Kakching leh Pherzawl district commissioner-te chuan campaign-a telte hnenah naupang inneih tirna titawp tura intiam tirna hun an hmang. Intiamkamna ceremony hi district hrang hrang-a a kaihhnawih department, sikul leh police station-ahte neih a ni bawk.

DC-te chuan vantlang mipuite chu hmun hla leh tlawhpawh harsaa cheng zinga naupang inneih tirna thlen ṭhin chhan data lakhawm turin an hriatttir a, an kaihhruaina hnuaiah police, social welfare, education leh ICDS-te nen naupang inneih tirna tihtawpna tur meeting buatsaih turin an ti bawk.

Manipur sorkar official-te chuan valley district pali aṭangin naupang inneih tirna thubuai 100 vel theh luh a ni tawh tih an tarlang. Hill district-ah pawh naupang inneih tirna a thlen rin ni mah se, tun thlengin a kaihhnawih report a la awm lo thung. Naupang inneih tirna a thleng ṭhin hian hmeichhe naupangte zirna leh hriselnaah lamah nghawng ṭha lo tak a nei a ni.