Meghalaya : Northeast India Organic Week hmasa ber buatsaih

Meghalaya sorkar chuan ni li awh tur, Northeast India Organic Week hmasa ber chu Zirtawpni aṭang khan a buatsaih. Ram chhung leh ram pawn aṭangin buyer leh organic specialist eng emaw zat an tel.

He hun hi Agricultural and Processed Food Products Export Development Authority , leh Union Commerce Ministry and IFOAM-Organics Asia te thawk hoin an buatsaih a ni. Palai tel zingah Malaysia, Taiwan, Mongolia, Indonesia leh New Zealand aṭanga kalte an tel.

EDA general manager Dr Saswati Bose chuan he hun hi India leh khawvel huapa organic community tana pawimawh leh chhinchhiah tlak a ni tih a sawi. EDA chuan aieng, sawhthing hmarcha leh thei dangten West Asia market-ah an luh theihna turin a lo poui tawh a ni, a ti.

Meghalaya Agriculture Commissioner and Secretary Dr Vijay Kumar D chuan an state chu India rama Tamil Nadu dawta state ṭhang chak ber a ni tiin, a ṭhanna kawnga puitu pawimawh tak chu agriculture sector a ni tih a sawi. Chief minister Conrad Sangma-a'n kum 2028-ah loneitute sum lak luh a leta tihpun a nih theihna tura hmathlir a neih tihpuitlinna turin sorkar chuan chak takin hma a la a ni, a ti. Sawhthing sawngbawlna tur hmun pawh Rs vbc 25 senign siam a ni ah thu a sawi bawk. Lakadong aiengah chuan curcumin content 13% awmn, khawvela a ṭha ber zingah a tel tih a sawi bawk.

Week neihnaah hian farmer producer organisations, cooperatives leh enterprise hrang hrangten organic product an pho chhuahna exhibition pawh siam a ni.