Nagaland : Treasuries & Accounts department-in e-Pay Bill system tlangzarh

Nagaland-a Treasuries & Accounts department chuan, state chhunga sum leh pai enkawlna ṭha leh langtlang zawka kalpui a nih theihna tura hmalakna turin e-Pay Bill System thar a tlangzarh.

e-Pay Bill system thar hi chak zawk leh changtlung zawka bill buatsaih thei tura duan a ni a, treasury system dangte nen inmil tura ruahman a ni bawk. Official-te chuan kuta hnathawh ngai a titlem dawn a, tihsual lian tham thleng ṭhin a tiziaawm thei dawn niin an sawi. TreasuryNet, eNPS, leh Grade IV e-GPF system-te nen thlunzawmin, chak zawka bill kalpui a nih theihna turin a pui dawn a ni.

System thar hian Professional Tax, GPF, leh House Tax-te deduction atan challan a siam chhuak thei dawn a, Drawing and Disbursing Officer-ten an chhawr ṭangkai dawn bakah, tihsual a titlem dawn bawk.

Directorate-a tlangzarh inkhawmah, finance commissioner Kesonyu Yhome chuan officer-te leh IT team-te chu in-house system an siam chhuah avangin a fak hle. State tan inchhuanna tham a nih thu sawiin, state financial system a tichak dawn a tih a sawi.