Tripura : Indo-Bangladesh ramria wire fencing siam tur endik

Tripura-a Border Security Force (BSF) frontier inspector general (IG), Aloke Kumar Chakraborty chuan Pathianni khan Tripura-a India leh Bangladesh ramri-a wire fencing thar siamna tura rawtna chu sorkar laipuiin a buaipui mek tih a puang. State hian Bangladesh nen international ramri, km 4,096-a km 856-a thui an inṭawm a ni.

Thuneitute chuan hmun tam taka wire hmanga hungna siam chu sik leh sa, a bik takin ruahsur nasa avangin a chhe tawh hle tih an hmu chhuak. Helai biala venhimna tihchangtlunna tur leh, infrastructure upa tawh tak tak thlak tumin hma an la a, IG Chakraborty chuan Ministry of Home Affairs-in ramri hungna ṭha zawka siam tura rawtna chu a endik mek tih a sawi.

Inspector General chuan ramri dinhmun pawh a ṭhat thu sawiin, India leh Bangladesh ramriah buaina thleng a awm lo tih a tarlang. BSF tarlan danin, ramri enkawl hna chu ruahman angin kalpui zel a ni a, tun thlengin buaina lian tham a awm lo.

Official chuan India leh Bangladesh ramria venhim hna thawktu sipaiten thawh hona ṭha tak an nei tih a tarlang a bawk.