Meghalaya : Northeast India Organic Week & World IFOAM Organic Youth Summit khar

Northeast India Organic Week vawi khatna leh, World IFOAM Organic Youth Summit vawi lina, ni thum chhung neih chu khar a ni ta. He hunah hian lo neih lama sulsutu, policy lama mithiamte leh ram 13 aṭangin ṭhalai mithiam rual an kalkhawm a ni. Event kharnaah hian chief minister Conrad K. Sangma pawh a tel.

Chief Minister chuan state tana a hmathlirte sawilangin, loneitute chawikan leh puihbawmna pek chu sorkarin a ngai pawimawh ber tih a sawi. Organic farming chu pi leh pute aṭanga kalpui tawh a nih thu a sawi bawk. State chhunga infrastructure lian tham thawm ṭhatte sawilangin, chung zingah chuan Shillong airport runway tih zauh pawh a tel.

Sangma chuan nakkum, UN International Year of the Woman Farmer atana hman tur chu a ngaih pawimawh thu sawiin, state-a institutional structure-ah inthlak danglamna a awm dawn tih a tarlang. Kum 2018-ah Self Help Group-ah hmeichhia 3-4% chauh an awm tih a sawi a; tun dinhmunah chuan thingtlangah hmeichhia 95% chu network-ah hian an tel tawh a ni, a ti. CM Sangma hian organic compendium leh MEGNOLIA website a tlangzarh bawk.