Arunachal Pradesh: Indian Army-in Community Radio Station hawng

Arunachal Pradesh-a Dirang-ah Indian Army chuan Eastern Theatre-ah Community Radio Station (CRS) hmasa ber hawngin, 'Radio Dirang 88.4 FM - Apni Mitti, Apni Kahani' tih a ni. Station hi army commander, Eastern command (ArmyCdrEC) Lt gen Rc Tiwari-a'n a hawng a ni.

CRS hi Gajraj Corps-in Operation Sadbhavna hnuaia a din niin, ramria cheng mipuite tana Indian Army-in inbiakpawhna, remna leh muanna bakah socio-economy chawikanna tura a hmalakna a ni. 'Radio Dirang' hmang hian Dirang culture, tradition leh hmasawnnate chawikan tum a ni. Station hi tualchhung inrelbawlna, a hun taka mipui hnena hriattirna pek chhuah kawngah a pawimawh dawn hle.

Mipuite chuan Radio Dirang chu 88.4 FM ah an ngaithla thei dawn a; broadcast, tualchhung program, leh cultural content-te a awm ang. Station hian Android leh iOS mobile application a nei bawk a, ngaithlatute chuan live radio an stream thei dawn a, engtiklai pawhin podcast an ngaithla thei dawn bawk a ni. Vantlang mipui tan Radio Dirang official social media platform chhawp chhuah a ni bawk.