Nagaland : DoNER Minister-in state tlawh

Union minister for communication and DoNER, Jyotiraditya M. Scindia chuan ni thum chhung cham turin December 4 khan state a thleng. Scindia hian hmasawnna project hnathawh hrang hrang a hawn dawn bakah, lungphum a phum dawn a, Hornbill Festival a chhim bawk dawn a ni.

Airport-a thuthar lakhawmtute a kawmnaah, Scindia chuan hmarchhak bial hmasawnna atan prime minister Narendra Modi chu a thutiamah a dingnghet tih a sawi. Sorkar laipuiin Act East, Act Fast leh Act First policy kalpui a ni tih sawiin, budget 10 %, kum khatah Rs vbc nuai khat chuang chu hmarchhak bial tan ruahman a nih thu a sawi.

Minister chuan project hnathawh mekte chu helai biala theihna zau zawk a pholang dawn tih sawiin, DoNER Ministry chu hmarchhak bial hmasawnna atan hmun pawimawh tak a chang tih a sawi. Hei bakah Schindia chuan Hornbill festival chu state culture leh, heritage hausakna pholanna platform pawimawh tak a ni, a ti. Indopui pahnihna hunlaia sipai huaisen 1,420 te phumna hmun a tlawh bawk a ni.

Nimin Zirtawpni khan Scindia chuan DoNER fund aṭanga project hnathawh hrang hrang zingah; inkalpawhna, infrastructure lungphum a phum a, vawiin hian Dimapur-a Heirloom Naga Centre a tlawh zawhah Delhi-ah a kir leh dawn a ni.