Nagaland : DoNER Minister-in project thar 11 puang

Union minister for communications & development of North Eastern Region (DoNER), Jyotiraditya Scindia chuan Nagaland-a Tuophema khua tlawhin, infrastructure project lian tham thawh tur 11, Rs vbc 443.412 senna tur a puang.

Ministry of DoNER hnuaia project hawnnaa thu a sawiah, Union Minister chuan sorkar laipuiin hmarchhak tihhmasawnna atan hma a la chhunzawm zel tih sawiin, tourism tih zauh, khawvel pum hriata Naga coffee chawilar leh, bial hrang hranga infrastructure tihhmasawn a tum tih a tarlang.

Union Minister hian project thar 11 thawhna tur lungphum a phum a, chung zingah chuan Chümoukedima-a multispeciality Hospital, Rs vbc 58.721 sena sakna tur leh, New District headquarters Peren-a khum 50 awmna tura Rs vbc 44.651 senna tur pawh a tel a, hei bakah Kohima Multi-disciplinary Sports Centre, IG Stadium complex, Kohima-a Rs 72.691 senna tur bakah, Nagaland Innovation Hub Rs vbc 19.566 leh MW 1.5 Dzüna Small Hydro Project, Rs vbc 22.803 senna tur pawh a tel a ni.