Glocal International Film Festival-ah Axone tichhuak
Hmarchhak-a chengten India ram khawpui liana an thil tawn hrang hrangte tarlanna, minute 96 awh feature film, Axone chu Ningani khan Kohima-a Glocal International Film Festival-ah chhuah a ni.
He film festival hi Nagaland Information and Public Relations (IPR) leh Eastern Art Council ten Hornbill Festival neih meka an buatsaih a ni a, Ningani leh nimin khan neih a ni. Festival ni khat niah hian Axone bakah, short film dang eng emaw zat tihchhuah a ni bawk a, heng zingah hian Plan, S-He, Midnight Error leh Enemy of the State te an tel.
Axone film hi Nicholas Karhkongor ziah leh direct a ni a, October thla khan 63rd BFI London Film Festival-ah tihchhuah a lo ni tawh bawk. Kharkongor chuan London-a tihchhuah a ni pawhin entu an nei ṭha hle tih a sawi.