Arunachal Pradesh : Defence Minister-in BRO project 32 hawng

Defence minister Rajnath Singh chuan Pathianni khan Arunachal Pradesh-a Border Roads Organisation (BRO) hnuaia infrastructure project 32 chu Ladakh-a programme neih aṭangin a hawng.

Infrastructure project 32-te hi ram chhung hmun hrang hranga infrastructure project 125 thawh tur zingah an tel. Hemi pual hian West Siang district, Aalo-ah 44 Border Roads Task Force chuan programme an buatsaih a ni.

State law and justice minister Kento Jini chuan project-te hian Shi Yomi leh Upper Siang district-a India leh China ramri bula sipai dah kawngah a puih a beisei thu a sawi. Project-te hian sipaite leh tualchhung mipui inzawmna a tichak dawn a, inralrinna changtlung zawk leh, inkalpawhna ṭha a awm dawn a ni, a ti.

Project Brahmank-in hna a kalpui zingah Shi Yomi district-a Tato-Mechukha Road-a Shene Nallah bridge metre 35-a thui, Ritbung bridge metre 15-a thui, Rabung bridge metre 40-a thui, Seyo Nallah bridge metre 40-a thui, Sirak Nallah bridge metre 20-a thui leh, Ditte Dimme-Migging-a Raboung Nallah bridge metre 10-a thuite an tel.

A bak zawng chu Project Vartak, Project Arunak leh Project Udayak ten an thawk a, chungte chu kawng leh helipad project-te an ni.