Assam : Rural Local Bodies tan Rs vbc 87 pawm

Sorkar laipui chuan Assam-a Rural Local Bodies (RLB) tan, financial year (FY) 2025-26 chhunga XV Finance Commission hnuaiah Rs vbc 87.52 pek a remti. Sum pek tur hi FY 2024-25 chhunga Untied Grants installment vawi khatna leh vawi hnihna la pek chhuah lohte an ni.

Fund dawng thei turte hi Autonomous district council pathum- Bodoland Territorial Council (BTC), Karbi Anglong Autonomous Council (KAAC) leh Dima Hasao Autonomous Council (DHAC) te an ni.

Sorkar laipui ministry-a Panchayati Raj leh Ministry of Jal Shakti (Department of Drinking Water and Sanitation) chuan RLB tan state-te hnenah hian XV-FC grant pe chhuak turin rawtna an siam a, Ministry of Finance-in a pe chhuak leh a ni. Grant ruahmante hi kum khat chhungin installment vawi hniha pek chhuah a ni. Untied Grants hi RLB-te chuan Constitution Eleventh Schedule-a subject 29-naa tarlan hnuaiah hman ṭul nia an hriatnaah an hmang ang.

Tied Grants hi bawlhhlawh paihna leh ODF dinhmun vawn ṭhatna atana service kalpuina atan hman a ni dawn a, bawlhhlawh sawngbawl, enkawl leh tihfai bakah tui in tur, ruahtui khawlkhawm leh tui recycle-te a huam dawn a ni.