Arunachal Pradesh-a truck chesual kaihhnawihah mi 2 man

Assam police-te chuan December 8-a Arunachal Pradesh-a Anjaw district-a truck chetsualnaa mi 20 thihna kaihhnawihah mi pahnih an man. An mi mante hi Md Sirajul Ahmed (36) leh Sairuddin Ali (27) te an ni a, mihring inhralhrukna leh Anjaw district-a hnathawk tura dan loa hruai luh thubuaiah man an ni.

Tinsukia police official chuan Ahmed hi December 11 khan man a ni a, Ali hi December 13-ah an man ve leh tih a sawi. An pahnih hian tualchhung court chuan ni thum chhung police custody-ah a dah a ni. Hnathawk tura hruaite leh an mi man pahnihte hi Tinsukia-a cheng vek an ni a, building sak hna thawk turin Anjaw district hi an pan a ni.

He chetsualna thlenga dam chhuak pakhat chuan border roads organization (BRO) camp-ah chetsualna thlen dan chungchang hi hriattirin, multi-agency chuan zawn leh chhan chhuah hna a thawk nghal a ni. Zirtawpni aṭanga Pathianni thleng khan chhan chhuah hna thawktu 1,150 chuangina an thawk.

Assam leh Arunachal Pradesh official-te chuan Pathianni thleng khan mi 20 an thi tawh tih an tarlang. Lirtheiah hian mi 22 an chuang a, pakhat chu nungdama chhan chhuah a ni.