Manipur : Indo-Myanmar ramriah venhimna leh infrastructure endik

Ministry of Home Affairs secretary (Border Management) Dr Rajendra Kumar chuan December 20 khan Manipur-a Tengnoupal district-a Moreh tlawhin, India-Myanmar ramria venhimna kalpui dan a endik.

Kumar chuan international ramri hnaih taka awm outpost-te a endik a, surveillance system awmsa a enfiah bawk. Helai hmuna security mi leh sa dahte nen pawh inbiakna hun neiin, hnathawhna lama sipaiten harsatna an tawhte a thlir let bawk. Assam Rifle leh civil thuneitute nen review meeting an nei a, ramria venhim hna thawh leh an hmalaknate sawi ho a ni. Secretary chuan patrol neih fo a ṭul thu leh, venhimna lama harsatna awmte a rang lama in hriattir tawn a pawimawh tih a sawi bawk. Technology pawimawhnate tarlangin, ramria venhimna kalpuina atan drone leh sensor changtlung zawk hman a pawimawh thu a tarlang.

Hmun derthawng zual laia security force-te hnathawh dan chu fakin, Rajendra Kumar chuan sorkarin ramri kaltlanga dan anga sumdawnna a thlawp rualin, dan phal loh pawikhawihna thleng ṭhin titawp turin agency hrang hrangten thawh hona ṭha neih a pawimawh hle a ni, a ti.