Meghalaya leh Sikkim-ah food park siam dawn

Union Minister of State for Food Processing Rameswar Teli chuan Meghalaya-ah mega food park leh, Sikkim-ah mini food park siam a ni dawn tih kar kal ta khan a puang. 

Shillong-a 'North East Food Show 2019'-a Chief Minister conclave-a thu a sawiah, Teli chuan hmarchhak state eng emaw zatah food park siamna tur hi ruahman a ni tawh tih a sawi. Meghalaya leh Sikkim-a food park siam thar a dawn bakah, Arunachal Pradesh-a Banderdewa-ah pawh food park siamna tur sanction a ni tawh a ni, a ti. 

Union minister chuan, "Kum 2020 atan ministry chuan hmarchhak bial tan budget cheng vaibelcheh 1,100 a siam a ni. Meghalaya leh Sikkim-ahte food park hi siam thuai a ni dawn a, ka term zawh hma ngeiin hmarchhak state zawng zawngin food park hi siam vek a ni ang," tiin a sawi. 

Hmarchhak bial bikah food pro­cessing industry siamna turin sorkar laipui chuan duhsak bikna a siamsak tih sawiin, food-based industry dinna turah hian sorkar laipuiin entrepreneur-te chu 75% subsidy a pe a ni, a ti. Sorkar laipui chuan Guwahati-ah ei tur lam kaihhnawih research neihna turin institute pawh din a tum thu Teli chuan a sawi bawk.