Assam Chief Minister-in flyover lungphum phum

Assam chief minister Sarbananda Sonowal chuan nimin khan Guwahati-Shillong road-a meter 1,400-a thui flyover T-shaped double lane siamna tur lungphum a phum. 

Flyover hi Dispur-Khanapara leh Guhawati-a Supermarket-Last Gate inkarah siam a ni dawn a ni. Project thawhna atan hian cheng vaibelchhe 127.20 ruahman a ni a, thla 36 chhung zawhfel tura tih a ni. He flyover siam tur hi Guwahati khawpuia flyover thui ber tur a ni ang. 

Chief minister chuan Dispur Last Gate-ah lungphum phumna hun hmanaah hian state sorkarin India ram khawpui ṭha ber zinga Guwahati siam tuma hma a lak dan hrang hrangte a sawichhuak. Infrastructure lama hmasawnna chak taka kalpuiin, Guwahati chu South East Asia tana Gateway a siam tumin an bei mek tih a sawi. 

Mipuite chu faina ngai pawimawh tura ngenin, Sonowal chuan sorkarin khawpui cheimawina hna theihtawpa a thawh laia mi ṭhenkhat a ti bawlhhlawh zawnga che an la awm reng chu pawi a tih thu a sawi nghal bawk.