Meghalaya: Sorkarin kawng siam project thawhna tur Rs vbc 265 pawm

Meghalaya sorkar chuan East Khasi Hills-a Phlangwanbroi aṭanga South West Khasi Hills-a Ranikor thlunzawmna tur km 47-a thui, Rs vbc 265 senna tur kawng siam project a pawm.

Project hian helai bial inthlunzawmna leh tourism a thuam chak beisei a ni. Mawsynram MLA Ollan Sing Suin chuan thuthar thehdarhtute a kawmnaah, project chuan Ranikor bakah constituency pahnih a paltlang dawn tih a sawi.

Mawsynram bialah km 27 vel kawng siam hna thawh a ni dawn a, a bak km 20 chuan Ranikor a paltlang dawn tih a sawi bawk.

Suin chuan project thawhna tur tender chu tunkar chhunga peihfel hman tum a ni, a ti. Kawng siam project hi state scheme hnuaia kalpui a ni dawn a, World Bank sum hman a ni dawn lo tih a sawi bawk.

MLA chuan kawng siam project dang, Weiloi aṭanga Phlangwanbroi thlunzawmna tur chu World Bank lam aṭanga pawmpuina an dawn loh thu sawiin, nakkum lamah chuan fund an dawn a beisei tih a tarlang.