Assam: Tezpur University- ah total shutdown puang dawn

Assam-a Tezpur university zirlaite chuan Thawhṭanni khan Union Ministry of Education-in vice-chancellor Shambu Nath Singh chungchanga chhui chianna an la neih loh avangin total shutdown puan a ni dawn tih an sawi.

Zirlai pawlte chuan an thuchhuah siamah, Ministry-in tun thlenga hmalakna an la neih loh avangin na takin an dem tih an tarlang. Zirlaite chuan kumin December 9 leh December 19 chu hun tiam an pek hun chhung a nih thu sawiin, Ministry chuan thu chhuah emaw chhui chianna an la nei lo a ni, an ti.

Ministry-in hun tiam an bawh pelh chhunzawm zel avangin nimin Thawhlehni zing aṭang khan total shutdown puan a ni tih sawiin, zirna leh a kaihhnawih dang zawng zawng pawh tih tawp lailawk vek a nih thu an puang. Zirlaite chuan an thil phut tih hlawhtlin a nih hma loh chuan lungawi lohna lantir chhunzawm zel an tum tih an tarlang bawk.