Manipur: NGT-in ring road project thawh mek titawp turin hriattir

National Green Tribunal (NGT), Eastern Zone Bench chuan, Manipur sorkar chu state tlangram hmun hrang hranga ring road project thawh mekte titawp nghal turin a hriattir.

He thupek hi phalna la hmasa loa project kalpui a ni tih report an dawn hnuah an ti chhuak a ni. Report chuan December 23 khan NGT-in Manipur sorkar chu ring road project kalpui mek titawp turin a hriattir tih a tarlang. Manipur chief secretary chu district paruk-a district magistrate leh police hotute chu thupek an siam zawm a nih leh loh enfiah turin a hriattir bawk.

He thupek hi civil society organization Coordinating Committee on Manipur Integrity (COCOMI)-in chenna leilung tan a him tawk lo tih thu chhuah an siam hnuah thubuai an theh lut a ni.

COCOMI aiawha Khuraijam Athouba-a’n application a thehluh hmanga hearing vawi nga neih a nih hnuah he thupek hi tih chhuah a ni. Hearing hi nakkum February 2-ah neih leh tura ruahman a ni.