Assam leh Tripura-ah Bangladesh helpawl member 11 man

Assam-a Special Task Force (STF)-te chuan, Jamaat-ul-Mujahideen Bangladesh (JMB) nena inzawmna nei nia sawi mi 11 chu hmarchhak state pahnih, Assam leh Tripura-ah an man.

Pawl din thar Imam Mahmuder (IMK) member 10-te chu Assam-a Baksa, Barpeta, Chirang, leh Darrang district- ah man an ni a, Tripura-a West Tripura district-ah pakhat dang chu Thawhṭanni khan man an ni tih STF hotu leh, Guwahati police commissioner, Partha Sarathi Mahanta-te chuan an sawi.

Tualchhung police-te chuan STF-te chu helpawl member 11 mannaah hian an pui a ni. Mahanta chuan Thawhlehni khan Guwahati-a thuthar thehdarhtute a kawmnaah, helpawl member an mante chu Bangladesh-a helpawl thupek hnuaiah hna an thawk tih sawiin, an thil tum ber chu hmarchhak biala remna leh muanna tih chhiat a ni, a ti.