Arunachal Pradesh : PIB in Kamala hydropower project a pawm

Public Investment Board chuan Arunachal Pradesh-a Rs vbc 26,069.50 man 1,720 MW Kamala hydroelectric project thawhna tur chu Ningani khan a pawm tih official-te chuan an sawi.

Storage-based hydropower project hi Subaniri lui peng, Kamala luiah siam tum a ni a; Kamle, Kra Daadi leh Kurung Kumey district-te a huam dawn a ni. He scheme hnuaiah hian concrete gravity dam, metere 216-a sang bakah, underground powerhous leh tuilia danna te pawh siam a ni dawn a, kum riat chhunga thawh zawh hman tura ruahman a ni.

Project hi zawh a nih hnuah kumtin renewable energy unit mtd 6,869.92 vel a siam chhuak thei dawn a, sorkar laipuiin kum 2070-a Net Zero target aAX siam tihhlawhtlinna tura a ṭangkai dawn hle niin official-te chuan an tarlang. Power a siam chhuah bakah, project hian tuilian danna a siam tel dawn avangin fur ruahtui tam laia Brahmapatura valley-a tui lian ṭhin venna kawngah pawh a pui thei dawn bawk.

Build-Own-Operate-Transfer (BOOT) model hnuaiah project hi thawh a ni dawn a,NHPC leh state sorkarin thawk dunin NHPC hian share 74% changin, state sorkarin 26% a chang ve bawk ang.