Meghalaya : NEC in project thawhna tur Rs vbc 13 pe chhuak

North Eastern Council (NEC) chuan Meghalaya-a project thawh mek eng emaw zat atan Rs vbc 13.45 a pe chhuak.

Sum pek chhuahna project zingah hian East Khasi Hills-a Laitlynkot(Lamlyer)-a tourism infrastructure sakna tur te, Seng Khasi Ri Raid Laban-a cultural complex siamna tur te, state chhunga thlai, pangpar leh thei tharchhuah bakah kut them thiam thil zawrh chhuahna tur Iewdak Laban Municipal Market sakna tur te a tel. Heng bakah project thawh mek zingah Laidiengsai, Mawrah, Laitryngew, Wahlong, Pynursla, Pomsohmnen leh Nongkynrih-a Ram Krishna Mission School sakte pawh a tel.

Project thawhna tur bakah Shillong-Umroi Airport kawng siamna turin NESIDS (Roads) hnuaiah Rs vbc 3 pek chhuah a ni bawk. Kawng siam hi thingtlang khaw 10-a cheng, mi 7,287 velin an chhawr thei dawn bawk a ni.