Sikkim: Indian army-in damdawi home delivery kalpui

Sikkim-a veteran-te hamṭhatna tihchakna kawnga hmalaknaah, Indian Army-a Trishakti Corps chuan state-a sipai veteran-te hnenah damdawi home delivery a kalpui. Service hi Gangtok-a Ex-Servicemen Contributory Health Scheme (ECHS) Polyclinic-in Department of Posts and CSC e-Governance Services India Limited a thawhpuina hnuaiah kalpui a ni.

He hmalakna hmang hian veteran, a bik takin state-a hmun hla leh tlawhpawh harsaa chengte chuan a hun takah harsatna leh buaina awm loin an mamawh ang damdawi an dawng thei dawn a ni. He hmalakna an kalpui ṭan tirh lamah ECHS Polyclinic, Gangtok chuan South, North leh West Sikkim-a cheng, hamṭhatna dawng thei mi 58 vel an thlang chhuak a ni.

Veteran zingah hian a bik takin kum upa zawk leh hriselna lama chak lo zawkte chuan an chenna hmunin a zir loh avangin leh, damdawi lei tura hmun hla tak tak an pan a ngai ṭhin a, veivahna tur lirtheiah harsatna an tawh avangin an mamawh damdawi leina turah harsatna nasa tak an tawk fo ṭhin.

Official-te chuan pilot project an kalpui hnuah, polyclinic chuan hamṭhatna dawng turte hnenah damdawi home delivery service an kalpui dawn ta a ni. He hmalakna hian healthcare a thuam chak beisei a ni a, kum upate leh hriselna lama harsatna tawkte a puih theih an rin thu an sawi. Hmalakna hi Central Organisation Ex-Servicemen Health Scheme (ECHS)-a pan-India programme peng pakhat hnuaiah neih a ni.