Nagaland University-in chemistry programme hawng

Nagaland University chuan Indian Knowledge Systems (IKS)-a chemistry lam hawi zirna programme thar, research lama hmasawnna tur chu National Education Policy (NEP) 2020 zulzuiin a siam thar.

University-a Chemistry department chuan Value-Added Course, 'Chemistry in Indian Knowledge Systems' tih chu a buatsaih mek a, University Academic Council phalna a hmu tawh bawk.

University chuan he course hian zirlaite chu IKS bulṭhut aṭanga zirna pek a tum a, chung zingah chuan knowledge transmission chungchanga traditional modes pawh a tel a ni. India rama chemical zirna kawnga hmasawnna chanchin leh damdawi lam, metallurgy, leh boruak humhalh kawnga field hrang hrang nena inzawmna a neih dante a zirchiang dawn a ni. Course hi discipline hrang hrangah zirlaite tan hawn a ni.

Vice-chancellor prof Jagadish K Patnaik chuan zirlaite chu he course hi hmang ṭangkai turin a chah a, prof Upasana Bora Sinha leh a team-te chu an hmalakna avangin lawmthu a hrilh bawk. He hmalaknain a tum hrang hrangte sawifiahin, Sinha chuan zirtirna leh zirchianna kawnga hmalakna thar hian zirlaite chu thiamna a pe dawn a ni, a ti.