Tripura Gramin Bank-in solar hmang ATM van tlangzarh

Tripura Gramin Bank (TGB) chuan ram chhunga a hmasa ber atan, solar-powered ATM van a tlangzarh. He van hi 'TGB on Wheels' tih a ni a, mobile banking unit thar hian hmun hla leh tlawhpawh harsaa chengte bakah electric tlakchhamna hmunah banking service khaihlak awm loin a pe dawn a ni.

'TGB ON WHEELS' project lungphum hi July 21, 2023 khan union finance minister Nirmala Sitharaman chuan a phum a, hemi hnu hian TGB chuan van pathum hman theih tura ruahmanna a siam a ni. TGB on Wheels hi bank service chungchanga thingtlanga chengten harsatna an tawh ṭhin sutkianna tura tih a ni. Gramin Bank hian Tripura hmun hrang hrangah branch 150 a nei mek a ni.

Bank marketing head Jeet Bhattacharya chuan, India rama Gramin Bank-in solar hmang ATM service an hman hmasak ber a nih thu sawiin, ram pum huapa thil thar pawimawh tak a ni, tiin regional rural bank-ten service tihchangtlunna tura green technology an hman dan a tarlang bawk. He hmalakna hmang hian Tripura Gramin Bank chuan banking lamah hmasawnna huang a zauh dawn a, thingtlangah hmasawnna ngelnghet a awm dawn a ni, a ti.