Tripura : Sikul infrastructure thuam chak turin sorkarin hma a la : CM

Tripura chief minister Manik Saha chuan state pumah sikul infrastructure thuam chak turin sorkarin nasa takin hma a la tih a sawi.

Chief Minister chuan he thu hi Mohanpur-a Madhu Chowdhury Para XII School sak thar hawnnaah a sawi a, he hunah hian virtual-in Tarapur XII School, Gopalnagar XII School leh Berimura XII School a hawng nghal bawk.

Saha chuan kum 2018 hma lamah zirna, health leh sector dangah hmasawnna a awm lo tih tarlangin, hemi vang hian nasa taka ṭan lak a ṭul tih a sawi. Sorkar laipui hmalakna tarlangin, prime minister Narendra Modi chuan tribal mipui hamṭhatna a ngaihpawimawh hle a ni, a ti. Ramchhungah tribal group 700 vel awmin, heng zinga 19 chu Tripura-ah an awm a, section hrang hrangte chu state hmasawn zawk siam turin inlungrual taka awm turin a fuih.

Kum 2019 leh 2024-ah state-a tribal mipui zing aṭangin Padma Shri dawng thei pasarih an awm tih Saha chuan a tarlang bawk. Hei bakah Prime Minister chuan tribal community aṭangin Droupadi Murmu chu President atan a ruat tih a sawi bawk.