World Economic Forum-ah Assam CM tel

Assam chu January 19-23 chhunga neih tur, Davos, Switzerland-a World Economic Forum (WEF) Annual General Meeting 2026-ah telin, hmarchhak state zinga tel hmasa ber a ni. State chief minister Himanta Biswa Sarma chu India aiawh zingah telin, Inrinni khan global economic summit-a tel tur hian Davos a pan a ni.

World Economic Forum hi kum 1971 khan economist Klaus Schwab chuan dinin, public-private thawh hona international organisation a ni. Kum tin Davos-ah hian meeting vawikhat neih ṭhin a ni a, khawvel ram hrang hrang aṭangin politics hruaitu, sumdawnna lam hotute, policymaker, zirna lama mithiamte, leh civil society aiawhte an tel ṭhin. Meeting-ah hian khawvelin harsatna lian tham a tawh mek; economy ṭhanlenna, sik leh sa inthlak danglam, technology, leh geopolitics-te an sawi ho ṭhin.

Official-te tarlan danin, WEF AGM hi Pathianni khan ṭanin reception leh Global Lighthouse Network dinner buatsaih a ni a, kumin meeting thupui atan hian 'A Spirit of Dialogue' tih hman a ni.

CM Sarmar hi Tata Group-in an buatsaih, Semiconductor, Electronics and AI Roundtable lunch-ah telin, hemi hnuah Adani Group nen meeting neiin memoranda of understanding (MoU) an ziak bawk a ni. JSW Group-te a hmu dawn bawk a, MoU an ziah dawn bakah AB InBEV nen bilateral meeting an nei bawk ang.