Nagaland : Project Level Watershed Mahotsav hawng

Nagaland-a State Level Nodal Agency, Department of Land Resources chuan PMKSY-WDC 2.0 hnuaia buatsaih, Project Watershed Mahotsav 2026 chu Conerstore Higher Secondary School, Zunheboto-ah Inrinni khan a hawng.

Hawnna inkhawma thu a sawiah, Zunheboto-a Land Resources Department district project officer I. Acato Chishi chuan watershed management mamawhna san zia sawilangin, district chhunga lui tam tak chu a kang tawh a, he thil vang hian tui in tur pawh a tlem telh telh tih a tarlang. Tui tlakchhamna lo thleng tur hmachhawn turin thawh hona ṭha tak neih a pawimawh thu a sawi bawk.

He huna khuallian, Zunheboto deputy commissioner, Dharam Raj chuan watershed chu tui khawlkhawmna, humhalhna leh ṭangkai zawka hman theih tur a ni tih a sawi. State-ah ruahtui tla tam mah se, state-in tui dahkhawmna a neih ṭhat loh avangin tui tlakchhamna a tawh chhunzawm zel tih a sawi bawk. DC chuan zirlaite leh mipui vantlang chu IEC competition-ah tel tam turin a chah a, tui khawlkhawm pawimawhna zirtirna pek kawngah a ṭangkai hle a ni, a ti.

Chishi chuan coffee chin kawnga district hmasawnna a tarlang bawk a, kum 2016 aṭanga kalpui a nih aṭangin hlawhtlinna a awm tawh tih a sawi. Zunheboto-a coffee-a an siamte pawh market-ah hralh chhuah an ni tawh a, kum kalta chhung khan Rs nuai 29 vel lak luh a ni tih a sawi.