Assam : CM-in Dhubri solar power project hawng

Assam chief minister Himanta Biswa Sarma chuan Thawhlehni khan SJVN Green Energy Limited (SGEL) thawh, MW 70 Dhubri Solar Power project a hawng. He hunah hian state power minister Prasanta Phukan pawh a tel a ni.

Project hi February 16, 2023 khan SGEL hnenah pek niin, kum khat chhungin electric unit maktaduai 141 vel siam chhuah theihna tura ruahman a ni a, capacity utilization factor 23% a enkawl dawn a ni. Kum 25 chhungin he project hian electric unit maktaduai 3,230 vel a siam chhuah theih beisei a ni.

SJVN chairman Bhupendar Gupta chuan project hlawhtlin theihna chhan chu state sorkar thlawpna leh, kum 2024 March 4-a project lungphum phumtu prime minister Narendra Modi kaihhruaina vang a nih thu a sawi. Union minister Manohar Lal leh Pralhad Joshi-te thlawpna avangin lawmthu a sawi bawk a, Dhubri project leh SJVN hmalaknate chuan ram chhunga energy siam kawngah a pui dawn a ni, a ti.

SJVN director Ajay Kumar Sharma chuan, Dhubri project hian Assam renewable energy portfolio a tichak dawn tih sawiin, electric mumal takin a pe chhuak dawn a, hemi rual hian tualchhung mipui tan direct leh indirect-a hnathawh tur a siamsak bawk dawn a ni, a ti. Dhubri project hi Assam-a solar power project lian hmasa ber niin; engineering, procurement leh construction senso chu Rs vbc 367.44 a tling a ni.