Tripura: CM-in Tripura Bhavan Extension Project lungphum phum

Tripura chief minister Manik Saha chuan state infrastructure thuam chakna atan Thawhṭanni khan Bir Tikendrajit Marg, New Delhi-ah Tripura Bhavan Extension Project thawhna tur lungphum a phum. He hunah hian parliament member Rajib Bhattacharjee, deputy speaker Ram Prasad Paul leh mi pawimawh eng emaw zat an tel.

Extention project-ah hian Rs vbc 2.95 sengin room thar paruk leh hall room pahnih sak tel a ni dawn a, Tripura Bhavan-ah room tam zawk leh leh service facility tihchangtlunna atan ruahman a ni.

CM Saha chuan Tripura Bhavan infrastructure thuam chak chu state aṭanga damdawi lama inenkawl tura kalte, zirlai leh culture lama hmalakna leh sumdawnna kaihhnawiha New Delhi tlawh turte tan a ṭangkai zual dawn a ni, a ti. State aṭanga tlawhtuten an chhawr ṭangkai dawn tih a sawi bawk.

Saha chuan Tripura Bhavan thar chu Delhi-a state inrelbawlna, cultural exchange leh guest service neihna hmun pawimawh tak a ni dawn tih a sawi bawk. He project hian state hmasawnna, leh national level-a an hmingṭhatna a tichak lehzual dawn tih a sawi.