Sikkim : Indo-China ramriah kangmei chhuak

East Sikkim-a Indo-China ramri hnaih, Kupup khaw bula ramriah kangmei nasa tak chhuakin, tualchhung mipui bakah helai hmuna security personnel-ten harsatna an tawk a ni. Tualchhung mite chuan kangmei a darh chak avangin thunun a harsa tih an sawi.

Tualchhung mite chuan kangmei chhuah lai hian thil puak ri vawi 14 aṭanga 15 vel hriat a nih thu sawiin, khaw mipuite zingah hlauhthawnna nasa tak a thlen bawk a ni. Thil puak hi tunhmaa an dah, anti-infiltration mine vang a nih rin a ni.

Kangmei chhuahna hi sipai awmna hmun hnaih tak leh Nathu La Pass aṭanga hla vak loah a ni tih an sawi. Helai biala sipaite chuan hma an la nghal a ni. Mahse, hmun chhengchhe tak a nih avangin leh a darh chak avangin kangmei thunun a harsa hle.

Hetih mek lai hian January 18 khan, East Sikkim-a Nathula ramri bul Thambi View Point-ah kangmei a lo chhuak tawh bawk a ni. He kangmei hi Zero Line bula Indian Army base bulhnaia chhuak a ni.