Assam : Sorkar laipuiin Rs vbc 213.9 pe chhuak

Sorkar laipui chuan Thawhlehni khan Assam thingtlang bial thuam chakna turin XV Finance Commission Untied Grants for Rural Local Bodies (RLBs) atan Rs vbc 213.9 a pe chhuak. Hei hi a bulṭhut aṭanga inrelbawlna tihchak leh, state hmun hrang hranga infrastructure tihchangtlunna tur atana tih a ni.

Sum pek chhuah hi financial year 2025-26 atana instalment vawi khatna niin, Gram Panchayat 2,192, Block Panchayat 182 leh Assam-a Zilla Parishad 27-ten an chhawr ṭangkai thei dawn a ni. Grant hi Ministry of Panchayati Raj leh Ministry of Jal Shakti (Department of Drinking Water and Sanitation) rawt niin, Ministry of Finance-in a pe chhuak a ni. XV Finance Commission chuan fund hi state hrang hrangah instalment vawi hnihin a pe chhuak ṭhin.

Untied Grant hi Panchayati Raj Institution leh Rural Local Bodies chuan Eleventh Schedule of the Constitution-a subject 29 hnuaiah pawimawh leh ṭul an tihna hmunah an hmang thei a ni. Finance Commission framework hnuaia Tied Grants chu civic service zingah sanitation leh Open Defecation Free (ODF) kalpuina atana hman tura ruahman a ni. Hmalakna tur zingah hian tui enkawl, bawlhhlawh sawngbawl, tui in tur thianghlim supply, ruahtui khawl leh tui tih thianghlimte a tel.