Manipur : Kuki helpawl nia hriatten Meitei mi kaphlum

Manipur-a Churachandpur district-ah Nilaini zan khan, Kuki helpawl nia hriatten Meitei mi pakhat an kaphlum tih official-te chuan Ningani khan an puang.

An mi kahhlum hi Mayanglambam Rishikanta Singh (31), Kakching Khunou Uchan Makhong Leikai, Kakching district-a cheng a ni. Nilaini khan Churachandpur district-a Tuibong khuaah a nupui nen hruai niin, zan dar 10:30 velah kahhlum a ni a, hemi hnu hian a nupui chu chhuah leh a ni thung.

Nunna chanta hi Kuki-Zo hnam zinga mi Chingnu Haokip (30), Tuibong (Tuibuang) khua ami nen an innei a, an nupa hian Churachandpur-ah December 19, 2025 thleng an cheng dun a ni. A hna vanga Nepal-a a kal hnuah January 19 khan Churachandpur-ah hian a let leh a ni.

Inkahhlumna a thleng tih report a nih hnuah, Kakching Khunou, Kakching district-ah kawng block nghal a ni. He inthahna thlengah hian eng pawl mahin an tih a ni tih an la puang lo.