Assam: ICMR-in mobile stroke unit pahnih hlan

Indian Council of Medical Research (ICMR) chuan Assam Medical College and Hospital (AMCH)-a hun hmanah emergency stroke care thuam chakna atan state sorkar hnenah Mobile Stroke Unit (MSU) pahnih a hlan.

MSU hi kum 2019 aṭang khan Dibrugarh-a AMCH-ah leh Tezpur Medical College and Hospital (TMCH) ah hman ṭan niin, helai biala stroke enkawlna thuam chakna atana ICMR hmalakna hnuaia hawn a ni. Pilot phase zawhfel a nih hnuah, upper leh central Assam mipuite hnena khaihlak awm lo leh rang zawka stroke enkawlna pek a nih theihna atan ICMR chuan unit pahnih hi a hlan a ni.

Health and Family Welfare secretary leh commissioner, Ashok Babu chuan state kuta MSU pahnih hlan a ni chu nun chhanna atan a ṭangkai dawn hle tih a sawi. ICMR nen an thawh dunna chu rang zawka enkawlna pek, thawh hona ṭha leh stroke natna avanga harsatna tawk mekte puihna tur a ni tih a tarlang bawk.

Assam-ah hian kum 2024 khan stroke nei hi a hma kuma 89 aṭangin 108-ah a pung tih report chuan a tarlang. He natnain harsatna leh phurrit a thlen pawh nasa takin a pung a, stroke kaihhnawiha nunna chan an tam bakah, kum 1990 hnu lamah pianphunga rualban lohna a thlen phah mi 1,965 an awm tawh bawk a ni.