Meghalya police-te'n GNLA account-a pawisa dahtu man

Meghalaya Police-te chuan Ningani khan hel pawl Garo Natio-nal Liberation Army (GNLA)-te bank account-a pawisa cheng nuai 28 dah luttu mi pahnih an man.

Police-te'n an man hi civil mi Sengchang Momin leh Solly Sangma-te an ni. Heng mite hian West Garo Hills district-a Tura-ah pawisa thi Rs 500 leh Rs 1,000 note, cheng nuai 28 an dahluh vangin man an ni ta a ni, Inspector General of Police (Law and Order) G.H.P. Raju chuan a ti. Raju chuan an mi man te inpuanna aṭangin he pawisa hi GNLA area commander, Baichung Ch Momin-a pawisa a ni tih hriat chhuah a ni a, bank thuneitute chu bank account chungchangah thu zawhfiah an ni, a ti bawk.

Thla hmasa khan police-te chuan William-nagar-a cheng nuai 35 dah luh tumtu mi pahnihte chu an lo man tawh tih an sawi a, GNLA mi leh sa tho nia tarlan a ni. Sorkar laipui chuan hmarchhaka bank hrang hrangte chu fimkhur tura chahin, hel pawl account nia rinhlelhte chhuichiang turin hriattir an nih thu Inspector General of Police (Law and Order) G.H.P. Raju chuan a sawi.

Police-te chuan mipuite chu an bank account midang hman tir lo tura ngenin, hel pawl dol et kawnga thawhpuiah an sawm.