APSC acting chairman atan Ranjit ruat

Assam sorkar chuan Briga-dier (retd.) Ranjit Barthakur chu Assam Public Service Commi-ssion (APSC) acting chairman atan Nilaini khan a ruat.

APSC chairman Rakesh Kumar Paul chu hna lak chungchangah thamna sum laa puh a nih avangin man a ni a, state sorkar chuan Paul hi Governor thupekin a suspend a ni. Paul bakah hian APSC member pathumte chu man an ni tawh a, thu zawh fiah mek an ni. Congress sorkar hun lai khan MP Bezbaruah kaihhruaina hnuaiah APSC-ah hian committee din a ni a, committee chuan commission siam ṭha turin kum 2015 khan report a thehlut a, mahse tun thlengin State cabinet pawmpui turin thawn ala ni lo nia tarlan a ni.

APSC member thlang tur hian state sorkar chuan committee a din a, committee-in member tura thlan chuah te chu chief minister pawmpui hnuah APSC member atan lakluh
ṭhin an ni.