AP-a inlambunna thlengah sipai pakhat thi, midang pakua hliam

Arunachal Pradesh-a Longding district-ah kar kalta Inrinni khan Assam Rifles-te chu helten an lambun a, mi pakhat a thih bakah midang pakua-in hliam an tuar.

AR convoy-te hi Longding district-a Wakka bulah lambun an ni a, a hmunah mi pakhat a thi nghal a ni. Defence thupuangtu Lt Colonel Chiranjeet Konwar chuan, lambun tawkte hi 16 Assam Rifles-te an nih thu sawiin, pawikhawihtute hi eng hel pawl ber ngen an nih hriat a ni rih lo, a ti. Inlambunna a thlen hnuah helte nen nasa takin an inkap zui tih sawiin, an mi leh sa pakuaten hliam an tawrh thu a sawi. Inlambunna thlengah hian National Socialist Council of Nagaland (Khaplang) - NSCN (K) leh United Liberation Front of Assam (Independent) - ULFA (I) te chu mawhphurtu an nih rin a ni.