Tura-Shillong bus chesualah mi 25 hliam

Assam, Goalpara-a Leila thingtlang khaw bulah kar kalta Zirtawpni khan bus a chesual a, mi 25-in hliam an tuar.

Bus chesual hi Shi-llong - Tura inkara tlan a ni a, Zirtawpni zan dar 111 vel khan a chesual a ni. Dudhnoi Police-te chuan bus chu thunun zawh loh avanga chesual a nih an rin thu sawiin, bus hian All Rabha Students Union (ARSU) office a su niin an sawi. Millennium bus hian zan dar riat velah Tura a chhuahsan a, Shillong panna a tlan laiin a chesual ta a ni. Hliam 25 zinga pathum te chu an dinhmun a ṭha vak lo nia tarlan a ni. Hliam tuarte hi Guwahati panpui an ni a, bus driver leh midang pahnih te chu an dinhmun a ṭha vak lo.

West Garo Hills (WGH) disrict Deputy Commi-ssioner (DC) Pra-vin Bakshi chuan chet-sualna thleng chu pawi a tih thu sawin, hliam tuarte chu theih ang anga ṭanpui an nih tur thu a sawi.