UNC-te'n tharum thawhna titawp turin Manipur sorkar ngen

United Naga Council (UNC)-te chuan National Highway-a nawrh huaihawt mek civil mite chunga tharum thawhna titawp turin Manipur sorkar an ngen.

UNC thuchhuah chuan, mipuite harsatna siam chu an tum ber a nih loh thu tarlangin, state sorkar-in Sadar Hills leh Jiribam-te district-a hlankai a tumna titawp tura sorkar an karna a nih thu an sawi. Sorkar chu district pek chungchangah thuchhuah siam tura phutin, ngawi reng se an duh tih an sawi. November 15-a New Delhi-a sorkar laipui aiawh leh Naga aiawh te inbiaknaa state sorkar a tel lo chu an hriatthiam loh thu an tarlang bawk. State sorkar chu buaina nasa zawk chawh chhuah tum leh, inbiakna hmanga buaina chinfel tum lohah an puh.

Sorkar laipui chuan inbiakna neihpui turin UNC leh Manipur sorkar a sawm tih sawiin, state sorkar chu buaina chingfel lo a, tipun-lun-tuah an puh a ni. Inremna ziah chu an duh ber a nih thu sawiin, Ministry of Home Affairs ruahman-na hnuaiah Memorandums of Understanding (MoUs) ziah an duh tih an sawi. UNC-te chuan an president Gaidon Kamei leh Information Secretary SK Stephen-te chuan tihsual an neih loh thu sawiin, chhuah turin state sorkar an phut tih an sawi bawk.