Plastic-Free State-ah Manipur puan a ni thuai dawn : Manipur Governor

Manipur Governor Dr Najma Hep-tulla chuan Manipur chu 'plastic-free state'-ah puan a la ni thuai dawn tih a sawi.

Governor Heptulla hian ni thum awh 'climate change' media workshop a hmanpuinaah he thu hi a sawi a ni. Dr Heptulla chuan, sorkar laipui chuan plastic-free state an nih theihna turin hma lak pui a hreh lo niin a sawi a, environment venhimna kawngah nasa taka hma lak chhoh mek zel a ni, a ti. Plastic bag leh bottle hmang tlem turin mipuite pawhin rilru siam a ngaih thu a sawi. Manipur hming timawitu pakhat, Loktak Lake chu mihringte hnawmhnawk avanga a bawlhhlawh zel lohna tura hma lak a ngai a ni, a ti bawk.

Workshop hmanpuitu State Envi-ronment Minister Irengbam Hdemo-chandra Singh chuan Manipur chu sik leh sa inthlak danglam zel atana ruahmanna fel tak siam state tlemte zinga mi a ni, a ti. Swiss Agency for Development and Cooperation Deputy Director Dr Shirish Sinha pawhin climate change nasa lutuk tur venna kawngah nasa zawka hma la turin he huna kalkhawm journalist leh media house-te chu a chah bawk. He workshop hi Indian Himalayas Climate Adaptation Programme of the Swiss Agency for Development and Cooperation, Department of Science and Technology leh Centre for Media Studies-ten an buatsaih a ni.