Meghalaya Police-te'n Hel kut aṭangin pawisa ṭhahnem tak man

Meghalaya police-te chuan Rs 500 leh Rs 1,000 note ṭha-hnem tak kawltu hel mi pali an man leh.

Police thupuangtu IG G H P Raju chuan, East Garo Hills district-ah Garo National Liberation Army (GNLA) mi leh sa Batsrang leh Saljepa-te kut aṭangin cheng nuai 35 an man a ni a, kar kalta Ningani khan South Garo Hills police-te chuan hel nia hriat Sengchang Momin leh Solly Sangma-te chu an pawisa kawl cheng nuai 28 nen Tura-ah man an ni leh ta a ni, a ti. Meghalaya sorkar chuan mipuite fimkhur turin a chah a, bank account midang hmantir lo turin a hriattir bawk. Police-te chuan bank thuneitute chu rinhlelh zawng an nei a nih chuan anmahni hriattur vat turin an ngen.